Argumento
Febreiro de 1887. Na metade do derradeiro e definitivo alzamento independentista cubano, o goberno español ten enviados xa case douscentos mil soldados á illa para tentar sufocalo.
Un deles é o compostelán Maxi Torres, estudante golfo, poeta impublicado e ilustre idiota, segundo a súa propia definición. A estes títulos engádese agora o de desertor. Maxi vive na Habana baixo unha falsa identidade. No comezo desta aventura é capturado polos seus antigos compañeiros do exército e levado á fortaleza do Morro, onde está a agardalo un consello de guerra como trámite previo a un máis que probable fusilamento.
Pero Maxi vaise rebelar contra o seu destino... cunha pequena axuda dos seus amigos. Tamén entrará en contacto con Chinito, un xefe mambí que anda argallando unha importante operación que pretende cambiar o curso da guerra.
Ao remate, vai ser Maxi quen intente cambiar o curso da operación de Chinito