Tanta paz leves...

Argumento

Francia, 1948. Nos anos da difícil posguerra europea, o tempo de paz agocha milleiros de historias de vencedores e vencidos, máis alá dos resultados bélicos.

Os traballadores dun circo que percorre o país observan con estrañeza a chegada dun misterioso convidado traído por un vello coñecido do xerente. A partir dese momento, afloran feridas que quedaran

abertas durante ese período convulso.

A nova obra do autor da novela gráfica A deserción de Stalin presenta un cambio de rexistro gráfico e narrativo que mantén, porén, todo o seu interese sobre a complexa realidade sociopolítica da Europa do século XX.